Gipadayag sa Department of Agriculture (DA) ang ilang plano nga maglunsad og Command Center karong Nobiyembre. Nagtumong ang lakang sa pagpalambo ug pagpahapsay sa pagdumala sa food supply chain sa tibuok nasod.
Matod ni Agriculture Secretary Francisco Tiu Laurel Jr., ang pagatukoron nga Command Center magsilbing digital nerve center.
Pinaagi niini, ang lainlaing klase sa datos nga may kalabotan sa agrikultura ug suplay sa pagkaon ang hiniusang kolektahon ug analisahon.
Katuyuan aron masiguro ang luwas, ug abot-kayang pagkaon alang sa tanang Pilipino. Ang ilang tumong mao ang pagkunhod sa post-harvest losses, pagpakusog sa kita sa mga mag-uuma, ug pagtabang sa mga konsumidor nga makapalit og preskong produkto sa mas ubos nga presyo.
Photo courtesy to:Manila Bulletin
