Patay ang usa 72 anyos nga lolo human nga gitigbas sa makadaghang higayon sa silingan niini, sa Brgy. Mapawa, Maragusan Davao De Oro. niadtong nakalabay nga adlaw.
Sumala sa suspek nga si alyas “Mando” giatangan ug gihagit siya sa biktima ug tinigbasay hinungdan nga iyaha kining gitigbas, hinuon giangkon niini nga nakainom siya ug bino niadtong panahona.
Apan sumala sa kabanay sa biktima, nga gisulong matud pa kini sa suspek bit-bit ang kaugalingon niining sundang, ug sa wala masayring hinungdan kalit nga gitigbas sa suspek ang biktima, tunong sa ulo niini, ug duna pay daghang samad tinigbasan sa nagkadaiyang parti sa lawas sa biktima, misulay pa pagdagan ang biktima apan tungod sa nahiagumang tinigbasan natumba kini sa likod nga bahin sa ilang panimalay ug didto na nabugtuan sa iyang ginhawa.
Sumala ni PLCOL Emerson Pugong ang OIC sa Maragusan MPS nga kasong Murder ang ipasaka sa suspetsado.
Photo Courtesy to:Maragusan MPS
