Gikumpirma ni U.S. Vice President JD Vance nga nagpakita matud pa ang Russia og “significant concessions” o pag-uyon sa negosasyon aron tapuson ang gubat sa Ukraine.
Sa usa ka interview sa “Meet the Press” kaniadtong Domingo (oras sa Amerika), gipamugos ni Vance nga nahimong “flexible” ang Russia sa pipila ka nag-unang mga hangyo niini, lakip na ang pag-ila sa soberanya sa Ukraine ug ang pagdumili sa pagbutang og puppet regime sa Kyiv.
Bisan ug wala pa’y nakaplano nga panagtagbo tali ni Russian President Vladimir Putin ug Ukrainian President Volodymyr Zelensky, gihatagan ug gibug-atan ni Vance nga seryoso ang administrasyong Trump sa diplomasya. Wala usab nila isalikway ang posibilidad sa dugang nga mga silot batok sa Russia..
Samtang, sa laing interview gibutyag ni Russian Foreign Minister Sergey Lavrov nga ilang girespeto si U.S. President Donald Trump ug wala nila himuang instrumento. Gipaklaro pa niya nga ang mga lider sa European Union mao ang babag sa kasabutan.
Photo courtesy of people.com
