Gisiguro sa 403rd Infantry “Peacemaker” Brigade ang hustong pag-turn over sa mga patay’ng miyembro sa CPP-NPA Terrorists (CNTs) ngadto sa ilang pamilya human sa engkwentro tali sa tropa sa gobyerno ug armado nga grupo sa North Central Mindanao Regional Committee (NCMRC) sa Malaybalay City niadtong milabayng adlaw.
Kini human sa operasyon upat ka myembro sa NPA ang napatay nga giilang sila Noel Gabote alyas Julius/Jose, Bador Arrellano alyas Choy, Noel Domino alyas Noel/Jairo/Renz, ug Roxanne Saraus alyas Sham/Yanda/Yas/Nine.
Bisan pa sa kalisud nga kondisyon sa panahon, giadtoan dayon sa otoridad ang mga patay’ng lawas gikan sa encounter site aron dali nga maturn-over sa ilang pamilya.
Gitabangan usab sa mga sundalo ang pamilya sa pag-proseso sa dokumento, transportasyon, ug uban pang panginahanglanon aron nga madala sa ilang pinuy-anan ang mga hinigugma nga may dungog ug pagtahod.
Gipasiugda sa 403rd Brigade ang pagtuman sa Rules of Engagement isip prinsipyo sa pagkatawo bisan taliwala sa armado nga panagbangi.
Nagkanayon si Brigadier General Seigfred C. Tubalado PA nga kasundalohan nagpabiling lig-on sa ilang misyon nga panalipdan ang katawhan, ipasiugda ang kalinaw, ug ipreserba ang kinabuhi.
via: 403rd Infantry “Peacemaker” Brigade PA
