Misamot ang sitwasyon sa GAZA gumikan sa daghang mga biktimang nangamatay tungod sa nasinatiang kagutom nga nagresulta sa tumang pagtaas sa malnutrisyon sa mga katawhan ingon sa mga bata. Kini base sa update gikan sa United Nations World Good Programme (WFP).
Matud pa, usa sa matag tulo ka tawo sa GAZA ang walay kaon sulod sa pipila ka adlaw tungod sa pagsamot sa tensyon ug sitwasyon sa maong lugar diin naghatag sa mga biktima og kalisud sa pagpangita og pagkaon, ug naghulat na lamang sila sa mga ayudang ginahatod gikan sa laing nasud ingon man sa ilang gobyerno.
Moabot na sa 90,000 ka indibidwal lakip na ang mga bata nga kinahanglan mahatagaβg atensyon sama sa dinaliang pagtambal kanila aron mabatokan ang malnutrisyon sa maong lugar.
Base sa uwahing datus sa Hamas-run Health, muabot sa 9 ka biktima sa kagutom ang namatay niadtong biyernes lamang, Hulyo 25, 2025.
Sa pagkakaron, anaa na sa 122 ang kinatibuk-ang namatay sukad nagsugod ang gubot tali sa Israel ug Hamas.
Gikondena usab sa ubang nasud ang mga panghitabo sa maong lugar diin gikaingong dili matud pa solosyon ang giyera ug naglaum ang katawhan nga kini matapos na.
