Mokabat sa 20 milyones ka senior citizens ug persons with disabilities ang makabenepisyo sa 50% nga diskwento sa plitehan sa MRT-3, LRT-1 ug LRT-2. Kini human gilusad sa PBBM nga pagpalapad sa 50% fare discount program sa mga linya sa tren sa Metro Manila.
Sa 20 milyones, 13 milyones ang senior citizens ug 7 milyones ang PWDs. Tumong sa maong programa nga mapagaan ang galastohan sa mga sumasakay nga limitado ang kita.
Kini nga programa sa sinugdan gipatuman para sa mga estudyante, apan gipalapdan isip kabahin sa social protection measures sa administrasyong Marcos. Matod sa Presidente, ang diskwento dako kaayog butang alang sa mga tigulang ug PWDs.
Samtang, ang unang biyahe sa Dalian nga mga sakyanan sa tren nga gipalit niadtong 2014 sa China gilusad na usab. Matod sa Presidente, napulo na kini ka tuig nga gitipigan ug wala dayon magamit. Ubos sa kasamtangang administrasyon, gipaubos na kini sa eksaminasyon ug pag-ayo aron hingpit nga magamit.
Tulo ka tren nga adunay tulo ka mga sakyanan matag usa o sa kinatibuk-an nga 9 ka mga sakyanan ang una nga magamit, samtang ang ubang mga paspas nga mga sakyanan padayon nga gisusi aron magamit.
