Napalgan na ang lawas sa nawala nga Transport Network Vehicle Service (TNVS) driver nga si Raymond Cabrera sa Barangay Batitang, Zaragoza, Nueva Ecija niadtong Hulyo 11, 2025, sumala sa National Bureau of Investigation (NBI).
Katapusang nakit-an si Cabrera niadtong Mayo 18, human mikuha og pasahero duol sa usa ka casino hotel sa ParaΓ±aque City. Matod sa NBI, tulo ka mga suspek ang boluntaryong mitahan kang Manila Mayor Isko Moreno niadtong Huwebes sa gabii ug mitug-an sa krimen.
Ang duha kanila nitudlo sa dapit diin gilabay ang lawas sa biktima. Bisan pa nga wala pa mabutyag ang motibo ug pagkatawo sa mga suspek, padayong giimbestigahan sa mga otoridad.
Ang lawas nga nakit-an ipaubos usab sa confirmatory test aron pormal nga mailhan kini. Ang mga suspek gikatahong nangayo og pasaylo sa pamilya ni Cabrera.
