Giila sa Senado ang desisyon sa Korte Suprema niadtong Hulyo 8 sa pagkonsolida sa duha ka kaso nga may kalabotan sa kasong impeachment batok kang Bise Presidente Sara Duterte.
Sa nasangpit nga resolusyon, gimando sa Korte Suprema ang mga respondents sa pagsumite sa gikinahanglang mga dokumento o katin-awan. pagsunod sa hangyo alang sa dugang nga impormasyon nga may kalabutan sa impeachment proceedings.
Matod ni Senate impeachment court Spokesperson Atty. Regie Tongol, susama kini sa miaging lakang sa Senado niadtong Hunyo 10, diin gisusi usab ang proseso sa pag-aprobar sa impeachment articles.
Siya niingon nga ang Senado maoy mangandam sa ilang tubag apan gipasiugda ni Tongol nga kadaghanan sa gipangayo nga impormasyon may kalambigitan sa proseso sa Kamara.
Sa katapusan, ang Senado nagmintinar sa pagpadayon sa pagtahod sa hudisyal nga proseso ug sa sub judice lagda ug sa paglikay sa paghimo sa bisan unsa nga pamahayag sa publiko.
