Nagsaad ang gobyerno sa Japan og kapin sa ₱28 bilyong pinansyal nga suporta alang sa Unified Package for Livelihoods, Industry, Food, and Transport o UPLIFT Program sa Pilipinas.
Gipahibalo ni Palace Press Officer Undersecretary Claire Castro niadtong Huwebes Nobyembre 19,2026, nga mokabat sa 70 bilyong Japanese yen, nga mubalorsa halos ₱28 bilyon, ang gisaad nga tabang sa Japan.
Matod ni Castro, gihimo ang maong pasalig atol sa ika-49 nga ASEAN Summit nga gipahigayon sa Pilipinas niining semanaha, isip pagpakita sa lig-on nga relasyon ug kooperasyon tali sa duha ka nasud.
Gilunsad ni Presidente Ferdinand Marcos Jr. niadtong Hulyo ang UPLIFT Program aron matabangan ang mga Pilipino sa pagsagubang sa pagsaka sa presyo sa lana ug mga nag-unang pagkaon tungod sa nagpadayong panagbangi sa Middle East.
Base sa taho sa Department of Social Welfare and Development niadtong Oktubre, dul-an sa 1.5 milyon ka benepisyaryo ang nakadawat na sa ikaduhang hugna sa ayuda ilalom sa maong programa, samtang nagpadayon pa ang pag-apod-apod niini sa pipila ka lugar.
Photo courtesy: Tsunagu Japan










