Nadakpan sa mga personahe sa kapulisan ang usa ka 72 anyos nga lalaki nga giilang si alyas nga “Loloy” ug Barangay Boroc, Ormoc City tungod sa kasong Reckless Imprudence Resulting in Homicide atol sa pagpatuman sa Simultaneous Anti-Criminality Law Enforcement Operations (SACLEO) didto sa Barangay Ipil, Ormoc City niadtong nakalabay nga adlaw.
Sumala sa kapulisan, nadakpan ang suspek pinaagi sa Warrant of Arrest nga gipagawas sa Municipal Trial Court in Cities (MTCC), 8th Judicial Region, Ormoc City niadtong Nobyembre 9, 2026. Ang kaso giaplikaran sa Article 365 sa Revised Penal Code, diin gitakda sa korte ang ₱30,000 nga rekomendadong piyansa alang sa iyang temporaryong kagawasan.
Human sa pagdakop, gipahibalo sa mga operatiba ang suspek sa hinungdan sa iyang pagdakop ug sa iyang mga katungod subay sa Miranda Doctrine, gamit ang pinulongang iyang nasabtan.
Sa pagkakaron, anaa na sa kostodiya sa kapulisan ang suspek alang sa hustong dokumentasyon ug sunod nga legal nga proseso.
Photo courtesy: OCPS6










