Imbis nga gloves, posas ang gisuot sa usa ka 50-anyos nga lalaki nga giila lamang sa alyas nga “Mon” human ipatuman ang warrant of arrest batok kaniya tungod sa kasong Direct Assault upon an Agent of a Person in Authority didto sa Barangay Santo Niño, lungsod sa Alangalang pasado ala 1:20 ang takna sa hapon niadtong Nobyembre 18, 2026.
Gipahigayon ang pagdakop sa Tracker Team sa Alangalang Municipal Police Station ubos sa pagpangulo ni Police Major Keventh P. Gayrama. Base sa warrant of arrest nga giisyu ubos sa Criminal Case No. 11015, gitakdang mokabat sa ₱12,000 ang piyansa alang sa iyang temporaryong kagawasan.
Human sa pagdakop, gipahibalo ang suspek sa hinungdan sa iyang pagkasikop ug sa iyang mga katungod ubos sa Miranda Doctrine, sa pinulongang iyang nasabtan, sa wala pa siya gidala sa Alangalang Municipal Police Station alang sa dokumentasyon ug pagproseso, ug sa ulahi itugyan ngadto sa korte nga nag-isyu sa warrant.










