Mokabat sa ₱1.9 milyones nga pondo ang giturn-over sa Department of Labor and Employment (DOLE) Region 9 ngadto sa unom ka partner employers alang sa pagpatuman sa JobStart Philippines Program.
Gipahigayon ang ceremonial turnover niadtong Nobyembre 17, 2026 sa syudad sa Pagadian nga gipangulohan ni DOLE Region 9 Regional Director Albert E. Gutib. Pinaagi sa maong pondo, kapin sa 40 ka kabatan-onan ang makabenepisyo sa Technical Skills Training ug Internship components sa programa.
Gamiton ang pondo alang sa training expenses, adlaw-adlaw nga stipend ug allowances sa mga JobStarters aron mas mapalambo ang ilang teknikal nga kahibalo ug makabaton og aktuwal nga kasinatian sa trabaho.
Nagpasalamat usab si Director Gutib sa unom ka partner employers tungod sa ilang suporta ug pakigtambayayong aron maandam ang mga kabatan-onan sa umaabot nilang trabaho.
Photo courtesy: DOLE REGION 9










