Gipahigayon sa Digos City District Jail-Female Dormitory ang binulan nga Joint Greyhound Operation ug Drug Testing aron mapalig-on ang seguridad sulod sa pasilidad.
Gipangunahan sa 24 ka personahe, sa koordinasyon sa Philippine Drug Enforcement Agency, ang inspeksiyon batok sa ilegal nga droga ug uban pang gidiling kagamitan.
Samtang, negatibo sa drug test ang 27 ka personahe ug 25 ka babayeng Persons Deprived of Liberty o PDL.
Ubos sa pagpanguna ni JCINSP Ellen Rose Saragena, Jail Warden, ang maong operasyon kabahin sa padayong paningkamot nga mapugngan ang ilegal nga kalihokan ug mapalig-on ang seguridad ug rehabilitasyon sulod sa pasilidad.










