Wala pa sa lebel sa hyper- inflation ang pagsaka sa presyo sa mga palaliton sa Pilipinas, bisan pa nga milapas na ang inflation rate sa target nga gipunting sa Bangko Sentral ng Pilipinas o BSP.
Kini ang gipatin-aw ni BSP Regional Economic Affairs Staff Bank Officer V Ramonnetto S. Gervacio atol sa EMERGE 2026: Economics, Money and Emerging Research for Global Excellence nga gipahigayon sa University of Southeastern Philippines – College of Applied Economics.
Sumala ni Gervacio, nagpabilin pang single-digit ang inflation sa nasud, apan mas taas na kini sa target range sa BSP nga duha hangtod upat ka porsiyento.
Gipasabot usab niini nga ang pagsaka sa presyo sa mga palaliton kasagarang nalambigit sa kakulang sa suplay ug dili sa sobra nga kwarta nga naglihok sa ekonomiya.
Lakip sa mga lakang sa BSP ang pagpataas sa policy rate aron mapugngan ang dugang pagsaka sa presyo. Apan kinahanglan usab ang koordinasyon sa gobyerno ug sa mga ahensiya nga nagdumala sa fiscal policy aron matubag ang problema sa suplay nga nakaapekto sa presyo sa mga palaliton.
Photo courtesy: DA









