Gipahigayon ang usa ka panagtigom tali sa Department of Social Welfare and Development Baganga, DSWD Regional XI – Management Committee ug sa lokal nga pangagamhanan aron hisgutan ang nagkalainlaing programa, kalihokan ug pinakabag-ong mga kalamboan sa DSWD.
Ang maong panagtigom nahimong oportunidad aron mapadayag ang kahimtang sa mga kasamtangang programa, maila ang mga panginahanglanon ug mahisgutan ang mga angay nga lakang aron mas mapaayo ang pagpatuman sa mga serbisyo ug programa alang sa katawhan.
Gitambongan usab kini sa mga representante ug miyembro sa maong ahensya nga nagpahayag sa ilang suporta ug kooperasyon alang sa malampusong pagpatuman sa mga programa.
Pinaagi sa hiniusang paningkamot ug lig-on nga koordinasyon tali sa lokal nga pangagamhanan ug sa DSWD, gilauman nga mas mapalapad ang paghatag og serbisyo ug tabang, ilabina sa mga pamilyang nanginahanglan og suporta.
Photo courtesy: LGU Baganga










