Mikunhod og 111.61 puntos o duha ka porsiyento ang Philippine Stock Exchange Index o PSEi base sa trading results niadtong Nobyembre 16, ug misira sa 5,481.88 puntos. Kini ang pinakaubos nga closing level sa stock market sukad niadtong Mayo 18, 2020, sa panahon sa COVID-19 pandemic.
Samtang, mihuyang usab ang kantidad sa piso ngadto sa 63 pesos ug 94 sentimos kada usa ka US dollar, gikan sa miaging 63 pesos ug 72 sentimos.
Sumala sa mga market analyst, usa sa mga hinungdan sa pagkunhod sa stock market mao ang kabalaka sa mga investors sa pagsaka sa inflation, hinay nga pagtubo sa ekonomiya ug posibilidad sa dugang nga pagsaka sa interest rates sa Estados Unidos.
Gilauman nga magpadayon ang pag-amping sa mga investors tungod sa nagpadayon nga mga hagit sa lokal ug global nga ekonomiya.
Photo courtesy: Media Meter










