Misaka na sa semifinals ang defending champion nga San Beda University Red Lions human nila mapildi ang University of Perpetual Help System DALTA Altas sa iskor nga 73-71 atol sa quarterfinals sa NCAA Season 102 Men’s Basketball Tournament.
Nahimong dikit ang panagsangka sa duha ka koponan apan nakapakita og kalig-on ang San Beda sa kataposang bahin sa duwa aron masiguro ang ilang pag-uswag sa sunod nga hugna sa kompetisyon.
Nanguna sa San Beda si Aldous Torculas nga nakarekord og 20 puntos ug upat ka rebounds samtang nakadugang si Dan Marcelo og 16 puntos. Kini ang ika-20 nga sunod-sunod nga pag-abot sa San Beda sa Final Four ug padayon nilang depensahan ang ilang kampeonato sa NCAA.
Sa semifinals mag-atubang ang San Beda sa modaog sa quarterfinals matchup tali sa Emilio Aguinaldo College ug De La Salle-College of Saint Benilde.
Photo courtesy: Vyn Radovan










