Tawgon nga Gilas Hiraya, ang women’s basketball team sa nasud. Gilunsad sa Samahang Basketbol ng Pilipinas ug University Athletic Association of the Philippines ang GILAS HIRAYA niadtong Sabado, Nobyembre 14, 2026.
Ang pulong nga Hiraya naggikan sa katumanan sa damgo, paglaum, ug tinguha sa usa ka tawo. Nahunahuna sa SBP ang maong ngalan aron ang team sa basketball sa mga babaye sa nasud makabaton og kaugalingong identidad.
Ang executive director sa SBP miingon nga usa ka importante nga desisyon ang paghatag kanila sa ilang kaugalingong ngalan aron makabaton sila og talagsaon nga ngalan para lang kanila.
Miingon siya nga dili lang nila gusto nga sundon ang mga lakang sa programa para sa team sa basketball sa mga lalaki tungod kay gusto sa SBP nga sila ang mohimo sa ilang kaugalingong mga damgo.Mahinumduman nga ang team unang nailhan nga Perlas Pilipinas gikan sa 2005 hangtod 2019 sa wala pa kini giilisan og ngalan nga Gilas Pilipinas Women.
Ang maong pag-ilis sa ngalan nagsugod niadtong miaging tuig atol sa usa ka miting nga gihimo sa mga opisyal sa UAAP ug FIBA. Nakahukom ang SBP nga gamiton ang ngalang Hiraa human gikonsiderar ang kahulugan ug simbolismo niini.










