Gidakop sa hiniusang anti-drug operation ang 44-anyos nga drayber nga giila nga si alyas “Ker” sa Purok Talakitok, Barangay Dawis, Digos City, alas 1:31 sa kadlawon, Nobyembre 17, 2026. Nasakmit sa operasyon ang 3.69 gramos nga gidudahang shabu nga nagkantidad og 25,092 pesos.
Matud sa kapulisan, napriso na kaniadto ang suspetsado sa General Santos City tungod sa kalambigitan sa ilegal nga droga ug nakagawas niadtong Enero 2026. Gilusad ang operasyon sa Digos City Police Station, PDEA Davao del Sur ug uban pang police units.
Detenido karon ang suspetsado sa Digos City Police Station ug mag-atubang og kasong paglapas sa Republic Act 9165 o Comprehensive Dangerous Drugs Act of 2002.










