Misaka sa 4.49 milyon metriko tonelada ang imported rice sa Pilipinas hangtod Oktubre 29 ning tuiga, mas taas kun itandi sa 3.39 milyon metriko tonelada niadtong 2025, sumala sa Bureau of Plant Industry. Vietnam ang nag-unang supplier nga mikabat sa 2.79 milyon metriko tonelada, gisundan sa Thailand nga adunay 666,201 metriko tonelada.
Gilauman sa Department of Agriculture nga mokunhod og 900 mil hangtod usa ka milyon metriko tonelada ang lokal nga produksyon sa bugas tungod sa El Niño. Busa, dili suspensohon sa gobyerno ang pag-import aron masiguro ang igong suplay.
Samtang, miabot na sa P9.99 bilyon ang kadaot sa sektor sa agrikultura tungod sa hulaw hangtod Nobyembre 11, nga nakaapekto sa kapin 324 mil ka mag-uuma ug mananagat.
Sa kinatibuk-ang kadaot, P5.63 bilyon ang nawala sa produksyon sa mais, samtang P3.65 bilyon ang kadaot sa humay.
Photo Courtesy:Jakarta Globe










