Nanawagan si Pres. Ferdinand Bongbong Marcos Jr. ngadto sa mga lider ug magbabalaod sa ASEAN nga magtinabangay sa pag-umol og balaod alang sa seguridad sa enerhiya ug pagkaon ingon man ang ubang labing gikinahanglan nga hisgutanan sa rehiyon.
Kini mao ang mensahe sa presidente sa pakigsabot sa mga lider sa ASEAN sa ASEAN Inter-Parliamentary Assembly kun AIPA. Sa opening statement sa presidente, sigon niini nga dili mahimong masulbad sa usa ka nasud lang ang mga problema nga giatubang sa rehiyon.
Gihimug-atan niini ang kaimportante sa papel sa mga magbabalaod sa paghimo og mga balaod nga kinahanglanon sa ASEAN sa mosunod nga 20 katuig. Lakip sa tutukan ang seguridad sa enerhiya ug pagkaon, online scams, transnational crimes, climate change, ug mga hulga sa kalamidad ug proteksyon sa mga migrant worker.
Sumala sa presidente nga nagdepende sa mga balaod ang kaluwasan sa mga mamumuo, pamilya, negosyo, kabataan, ug komunidad. Busa giawhag niini ang kagamhanan ug parliamento sa ASEAN nga makighiusa aron masiguro nga nagkauyon ang ilang mga balaod ug lakang alang sa tibuok rehiyon.
Photo Courtesy: Presidential Communications Office










