Dakong kalampusan sa dakbayan sa Cagayan de Oro ang pag-host sa Vice Mayors League of the Philippines kon VMLP National Convention nga bag-uhay lang natapos.
Gawas sa napakita sa syudad ang kapasidad niini sa pag-abi-abi sa dul-an nuebe sintos ka mga bisita ug lideres sa nagkadaiyang lungsod ug syudad, dako sab ang natampo niini sa ekonomiya sa Cagayan de Oro.
Sumala pa ni Majority Floor Leader, City Councilor Edgar Cabanlas nga gibana-banaang mukabat sa P17.2 million pesos ang naangkon nga income sa nagkadaiyang establisiyemento ug patigayon dinhi sa syudad sulod lamang sa tulo ka adlaw nga kombensyon.
Gipasalamatan sab ni Vice Mayor Bebot Rodriguez ang tanan nga nitabang aron nga magmalampuson ang VMLP National Convention labi na ang niabag sa pagsiguro sa kalinaw ug kahapsay nahisgutang aktibidad.
Photo courtesy: Bebot Rodriguez










