Nakalahutay sa grabeng aksidente ang usa ka 18-anyos nga estudyante human mapiit ilalom sa dump truck ang gisakyan niyang motor taxi sa Cebu South Coastal Road, Barangay Poblacion, dakbayan sa Talisay.
Base sa inisyal nga imbestigasyon sa City of Talisay Traffic Operations and Development Authority (CT-TODA), pauli na unta ang estudyante sa Barangay San Roque gikan sa Barangay Mohon dihang nasangit sa dump truck ang motor taxi nga iyang gisakyan samtang nagbiyahe sa outer lane.
Nakaangkon og samad sa ulo ang babayeng pasahero apan giingong wala na sa peligro ang iyang kahimtang. Matud pa sa drayber sa dump truck, wala niya mamatikdi ang motor taxi sa wala pa mahitabo ang panagbangga.
Photo Courtesy: CT-TODA










