Gipahimangnoan sa Road and Traffic Administration o RTA sa Cagayan de Oro City ang mga driver sa motorela nga posibleng silotan ang mapamatud-ang dili mohatag sa saktong sukli sa plete sa pasahero.
Matud ni RTA Head, Benidicto Ramiro, mahimong ma-isyu ang bug-at nga citation ticket, ug kung pasagdan kini, posibleng mosangpot sa pagpasaka og kaso.
Gidasig usab ang mga pasahero nga ilista o kuhaan og litrato ang body number, ruta ug plate number sa motorela ug i-report kini sa opisina sa RTA, pinaagi sa ilang Facebook page o email.
Dugang pa niya, posibleng maapil ang operator kung balik-balik ang kalapasan sa ilang mga driver. Gihangyo usab ang publiko nga dili magpanuko sa pagreklamo aron matagad ug maaksyunan ang mga insidente.
Photo courtesy: Roads and Traffic Administration 2.0










