Gisuspenso sa pwesto ang usa ka opisyal sa gobyerno human niya gimando nga pahubsan ang tubig sa usa ka dam aron lang makuha ang iyang cellphone nga nahulog samtang nag-selfie. Sumala sa taho, aksidenteng natagak ang cellphone sa food inspector nga si Rajesh Vishwas sa Kherkatta Dam.
Human mapakyas ang mga lokal nga diver sa pagpangita niini, gigamit ni Vishwas ang iyang posisyon aron pahubsan ang dam sud sa tulo ka adlaw. Nakuha ang maong device apan di na kini magamit pa.
Miresulta ang maong lakang sa pagkausik sa duha ka milyon ka litro nga tubig nga makapatubig na unta sa 600 ka ektarya nga umahan. Gidepensahan usab ni Vishwas ang iyang kaugalingon ug miingon nga adunay sensitibong datos sa gobyerno ang iyang cellphone.
Apan bisan pa niini, gi-suspenso gihapon siya sa gobyerno human makadawat og daghang pagsaway ug pormal nga reklamo.
Photo courtesy: India Today










