Gipahibalo sa Davao Oriental Tourism nga gibalhin na ang petsa sa pagpahigayon sa 1st Eagle’s Hope Drone Summit 2026 gikan sa orihinal nga Nobyembre 14 hangtod 15 ngadto sa Nobyembre 28 hangtod 29, 2026, nga ipahigayon sa Mati Airport, Mati City, Davao Oriental.
Gitumong sa maong kalihokan nga ipakita ang mga bag-ong inobasyon sa teknolohiya ug nagkalain-laing kalihokan nga may kalabotan sa drone, diin gilauman ang pag-apil sa mga drone enthusiast, partisipante ug mga bisita.
Gidapit usab ang mga interesado nga magparehistro nga libre pinaagi sa pag-scan sa QR code nga anaa sa opisyal nga poster. Gilauman usab ang dugang pahibalo kalabot sa mga aktibidad ug establisimyentong moapil sa maong summit.
Photo courtesy: DavOr Tourism










