Gipasidunggan ang mga personahe sa Baganga Municipal Police Station ubos sa pagpanguna ni PCPT Roy L. Englisa, Officer-In-Charge, human makadawat og Certificate of Recognition tungod sa malampusong pagkadakop sa usa ka Most Wanted Person sa Sitio Tubigan, Barangay Batawan, Baganga, Davao Oriental niadtong Nobyembre 1, 2026.
Gihatag ang maong pasidungog niadtong Nobyembre 16, 2026 sa PRO 11 Parade Ground, Camp Sgt. Quintin M. Merecido, Buhangin, Davao City atol sa Monday Flag-Raising Ceremony ug Awarding of Deserving PNP Personnel nga gipangunahan ni PBGEN Benigno L. Guzman, Acting Regional Director sa Police Regional Office 11.
Kini nga pag-ila, nagpakita sa dedikasyon ug paningkamot sa mga personahe sa Baganga MPS sa pagpatuman sa balaod, pagmintinar sa kalinaw ug kahusay, ug pagpanalipod sa seguridad sa komunidad.
Samtang gilauman usab nga ang maong kalampusan mahimong inspirasyon sa tanang sakop sa kapulisan nga magpadayon sa ilang mga katungdanan.
Photo courtesy: Baganga MPS









