Gipanghimakak sa Bangko Sentral ng Pilipinas (BSP) ang nagkalat nga video sa social media nga nag-ingon nga adunay mga bangko nga magsira sa Pilipinas. Sumala sa BSP, peke o fake news ang maong video nga unang gipatik sa Facebook account nga PH News Today.
Gikuha na sa Meta ang maong video, apan nagpasidaan ang BSP nga posible gihapon kining mokatag pinaagi sa mga kopya ug repost sa ubang social media accounts.
Gipahibalo usab sa BSP nga mahimo silang mohimo og angay nga aksyon batok sa mga indibidwal o organisasyon nga responsable sa paghimo ug pagpakalat sa maong sayop nga impormasyon.
Giawhag usab ang publiko nga i-report sa BSP pinaagi sa email nga [email protected] ang susamang mga post nga nagpakalat og makapahisalaag nga impormasyon.
Photo courtesy:BSP store










