Gipahigayon sa lokal nga panggamhanan sa Monkayo ang usa ka Stakeholders’ Forum aron mas mapalapad ang kahibalo sa nagkadaiyang sektor kalabot sa mga programa ug serbisyo sa gobyerno.
Gipangunahan kini sa Municipal Social Welfare and Development Office diin gihisgutan ang mga serbisyo, proseso ug mga lakang nga angay masayran sa publiko ubos sa Department of Trade and Industry (DTI), Bureau of Internal Revenue (BIR) ug PhilHealth.
Nitambong sa maong kalihokan ang nagkalain-laing sektor ug mga ahensya nga gilauman nga mas makapalig-on sa ilang koordinasyon ug panag-uban sa paghatag og episyente nga serbisyo ngadto sa katawhan.
Kabahin kini sa padayon nga paningkamot sa administrasyon ni Mayor Manuel Jayr Zamora Jr. nga mapalambo ang kahibalo sa komunidad ug mapalig-on ang mga panag-alayon tali sa nagkalain-laing sektor alang sa padayon nga pag-asenso sa Monkayo.
Photo courtesy: Municipality of Monkayo










