Gipahinumdoman sa Department of Labor and Employment o DOLE ang mga kompanya nga dili angay pugson ang ilang mga empleyado nga mosayaw o magpasundayag atol sa Christmas party, tungod kay mahimo kining matang sa bullying.
Matod sa DOLE, kinahanglang boluntaryo ang pag-apil sa bisan unsang presentasyon, ug dili angay silotan o diskriminahon ang mga empleyado nga modumili sa pag-apil.
Gipasabot usab sa ahensya nga gipanalipdan sa Labor Code ug Safe Spaces Act ang katungod ug dignidad sa mga empleyado, busa giawhag ang mga employer nga tahoron ang ilang desisyon ug dili pugson sa mga kalihokan.










