Nakaikyas gikan sa kustodiya sa mga otoridad sa South Korea ang usa ka piniriso nga nailhan isip yoga master human nakalusot sa gamay kaayong bangag sa prisohan nga gigamit alang sa pagpasulod sa pagkaon.
Giila ang maong piniriso nga si Choi Gap-bok, kinsa nakahimo sa pagsuksok sa tibuok niyang lawas sa agianan nga adunay gilapdon lamang nga 45 sentimetros ug gihabogon nga 15 sentimetros.
Sumala sa kasaysayan sa maong insidente, nakatabok ug nakalusot si Choi tungod sa iyang talagsaong pagka-flexible ug abilidad sa pagkontrol sa iyang lawas. Dili usab kini ang unang higayon nga nakahimo siya og susamang pag-ikyas gikan sa mga otoridad.
Niadtong 1990, nakaeskapo na usab siya gikan sa usa ka police transport bus pinaagi sa pagsuksok sa iyang lawas taliwala sa mga rehas. Samtang niadtong 2012, nakalingkawas siya sulod sa unom ka adlaw sa wala pa madakpan pag-usab sa mga otoridad.
Photo courtesy:ProjectNightfall










