Misaka sa ikatulong pwesto sa NBA all-time assists leaders ang superstar nga si LeBron James human malabwan ang rekord ni Hall of Famer Jason Kidd atol sa duwa sa Philadelphia 76ers batok sa Indiana Pacers. Narekord ni James ang iyang 12,092nd career assist sa ikaupat nga quarter human niya mahatagan og pasa ang iyang kauban nga si VJ Edgecombe aron malabwan ang 12,091 assists ni Kidd.
Natapos ang duwa nga adunay 15 puntos, 11 assists ug pito ka rebounds si James samtang midaog ang Philadelphia 76ers batok sa Indiana Pacers sa iskor nga 131-124.
Sa pagkakaron si John Stockton gihapon ang nanguna sa NBA all-time assists list nga adunay 15,806 gisundan ni Chris Paul nga adunay 12,552 assists. Kini nga rekord nakab-ot ni James sa iyang ika-24 nga season sa NBA ug dugang nga nahimong milestone sa iyang bantog nga basketball career.
Photo courtesy: ESPN










