Gipasidunggan ang Filipino football player nga si Andres Aldeguer tungod sa iyang dakong kontribusyon sa makasaysayang kadaugan sa Philippine Under-23 Men’s National Football Team batok sa Kuwait atol sa 2026 Asian Games sa Nagoya, Japan.
Nahimong bida si Aldeguer human niya ma-convert ang penalty kick sa ika-92 nga minuto, nga maoy nakahatag sa Pilipinas og 2-1 nga kadaugan batok sa Kuwait niadtong Septiyembre 22. Una nang nakapuntos alang sa Pilipinas si Santi Rublico sa ika-19 nga minuto, apan nakatabla ang Kuwait human sa own goal ni Scott Woods sa ika-66 nga minuto.
Nahimong makasaysayanon ang maong kadaugan tungod kay kini ang unang pagdaog sa Philippine men’s football team sa Asian Games human sa 68 ka tuig, sukad sa ilang kadaugan batok sa Japan niadtong 1958. Mas nahimong espesyal ang maong hitabo tungod kay ang kaliwat ni Andres nga si George Aldeguer maoy nakapuntos sa winning goal sa maong torneyo niadtong 1958.
Photo courtesy: Sportscornerph









