Magpakatag ang gobyerno sa South Korea og dugang 8,400 ka mga personahe isip puno sa 75,000 ka mga supervisors sa 1,312 ka test centers aron mapugngan ang pagpanikas sa tinuig nga college entrance exam o Suneung alang sa 550,000 ka mga estudyante karong Huwebes, human giangkon sa usa ka indibidwal ang paggamit og artificial intelligence (AI) ug miniature camera sa bag-ohay lang nga national tax accountant exam.
Aron masakpan ang mga smart devices, magpadala ang gobyerno og emergency alert sa dili pa magsugod ang pasulit aron matultolan ang mga gitago nga cellphone, ipabutang sa lamesa ang mga antipara sa mga estudyante aron masusi kon dili ba kini smart glasses, ug susihon usab sa mga otoridad ang mga kwelyo, manggas, ug butones sa sinina sa mga examinees.
Gipahibalo usab ni Prime Minister Han Seong-sook nga ang masakpan nga manikas mahimong idili sa pagkuha og Suneung sulod sa 10 ka tuig gikan sa kasamtangang usa ka tuig nga silot, ug pasakaan pa og kasong kriminal.
Sa iyang bahin, gipadayag ni South Korean President Lee Jae Myung ang “zero-tolerance policy” batok sa pagpanikas samtang gihulagway kini ni Han isip usa ka “social evil” aron mapanalipdan ang patas nga kompetisyon ug kredibilidad sa maong pasulit.
Photo courtesy: REUTERS/Kim Hong-Ji/Pool/File Photo










