Naigo sa nawong si Pope Leo XIV human adunay rosaryohan nga gilabay sa mga tawo atol sa iyang pagsakay niini sa popemobile padulong sa misa sa Las Palmas Air Base sa Lima, Peru, niadtong Nobyembre 16, 2026.
Samtang nag-agi sa panon sa mga tawo, adunay mga rosaryo nga gilabay ngadto kaniya aron iyang dawaton, apan pipila niini wala niya masalo ug naigo hinuon sa iyang nawong. Nakita sa mga hulagway nga gihikap niya ang iyang nawong human sa insidente, apan mipadayon gihapon siya sa maong misa.
Ang maong misa gikataho nga gitambongan sa mga 1.5 milyong katawhan. Sa maong higayon, nagpasalamat ang Santo Papa sa mga Peruvians sa ilang pagdawat ug pagkamaabiabihon atol sa iyang unom ka adlaw nga pagbisita, ug gitawag niya ang Peru nga iyang ikaduhang yutang natawhan.
Gipahayag usab ni Pope Leo nga gibati niya nga sama siya sa usa ka pamilya didto ug nga iyang dad-on kanunay sa iyang kasingkasing ang katawhan sa Peru. Natawo siya sa Chicago, Estados Unidos, apan adunay American ug Peruvian citizenship ug kaniadto nagserbisyo isip misyonaryo ug obispo sa Chiclayo, Peru.
Photo courtesy: Chicago Tribune










