Misakmit ang dakbayan sa Malaybalay sa ikaduhang pwesto (2nd Place) taliwala sa 20 ka mga lungsod ug siyudad sa probinsya sa Bukidnon, ug ikapitong pwesto (7th Place) gikan sa 84 ka mga local government units sa tibuok Northern Mindanao atol sa gipahigayong PuroKalusugan 2026 Implementation Review and Performance Assessment niadtong Nobyembre 16-17, 2026 sa Cagayan de Oro City.
Gidawat ni Development Management Officer IV sa Provincial DOH Office (PDOHO) Bukidnon Dr. Fritz Dominick B. Montemayor ug Malaybalay City PuroKalusugan Focal Person John Michael G. Guaro, RN ang maong pasidungog isip representante sa probinsya ug sa siyudad atol sa seremonya.
Gipaabot usab ang pagpasalamat ngadto sa tibuok HRH-NHWSS Malaybalay, mga local health partners, ug barangay health workers tungod sa ilang dedikasyon ug panaghiusa sa paghatod sa serbisyong panglawas ngadto sa matag panimalay ug kabarangayan aron magmalampuson ang PuroKalusugan Program.
Photo courtesy: HRH Malaybalay City










