Gibalik sa natural nga puy-anan ang usa ka hamtong nga Philippine Serpent Eagle human maluwas sa usa ka residente sa Barangay Midpapan, Pigcawayan, ug gitugyan sa Municipal Environment and Natural Resources Office (MENRO).
Human sa medical examination niadtong Nobyembre 17, gikumpirma sa Office of the Municipal Agriculturist (OMAG) sa Midsayap nga himsog ang langgam, walay samad o sakit ug angayan nang buhian subay sa mga protocol sa DENR.
Gipasiugda sa maong kalihokan ang importansya sa pagpanalipod sa wildlife ug giawhag ang publiko nga motabang pinaagi sa hustong pagreport ug pagtugyan sa mga maluwas nga ihalas nga mananap ngadto sa mga otoridad.
Photo courtesy: DENR 12










