Nasikop sa gipahigayong drug buy-bust operation sa kapulisan ang usa ka lalaki human masakpan nga namaligya og ilegal nga droga sa Purok Azucena A, Barangay Poblacion, Matalam, Cotabato, pasado alas 10:00 sa gabii niadtong Nobyembre 18, 2026.
Giila sa Matalam Municipal Police Station ang nadakpang suspek sa alyas Toto, nga anaa na sa hustong pangidaron ug residente sa Purok 1-A, Barangay Manubuan, Matalam, Cotabato.
Base sa report, usa ka pakete sa gituohang ilegal nga droga ang nakuha gikan sa suspek, lakip ang 500 pesos nga buy-bust money nga gigamit sa operasyon.
Gikustodiya na sa Matalam Municipal Police Station ang suspek ug nag-atubang sa kasong paglapas sa Republic Act 9165 o Comprehensive Dangerous Drugs Act of 2002.
Photo courtesy: Matalam Municipal Police Station










