Nakaabot na sa 4.49 milyong metric tons ang gidaghanon sa bugas nga gi-import sa Pilipinas gikan Enero hangtod Oktubre 29 ning 2026, sumala sa datos sa Bureau of Plant Industry (BPI). Hapit na kini molabaw sa 4.48 milyong metriko tonelada nga rekord sa importasyon niadtong 2024, panahon usab sa El Niño. Mas taas na usab kini kaysa 3.39 milyong metriko tonelada nga kinatibuk-ang importasyon sa bugas sa miaging tuig.
Vietnam ang nag-unang tinubdan sa imported rice sa nasud, nga mikabat sa 2.79 milyong metrictones o kapin sa katunga sa kinatibuk-ang importasyon. Gisundan kini sa Thailand nga adunay 666,201 metriko tonelada ug Myanmar nga adunay 505,740 metriko tonelada. Sumala sa mga taho sa US Department of Agriculture (USDA), misaka usab ang rice exports sa Thailand ug Cambodia tungod sa dakong panginahanglan sa Pilipinas, diin nahimo ang nasud nga usa sa mga nag-unang destinasyon sa ilang mga produkto.
Gilauman sa Department of Agriculture (DA) nga mokabat sa lima ka milyong metriko tonelada ang importasyon sa bugas karong tuiga aron mapalig-on ang suplay samtang nagpadayon ang epekto sa El Niño sa lokal nga produksyon. Gibanabana nga mokunhod og labing menos usa ka milyon metriko tonelada ang produksyon sa palay tungod sa taas nga temperatura ug kakulang sa ulan. Niadtong Nobyembre 11, mikabat na sa ₱9.99 bilyon ang kadaot sa sektor sa agrikultura tungod sa El Niño, diin 56.4 porsyento niini nakaapekto sa mais ug 36.54 porsyento sa humay, samtang gibanabana nga 288,424 metriko tonelada ang nawalang produksyon.
Photo courtesy: DA









