Nagpadayon ang Digos City Police Station sa imbestigasyon ug pagpangita sa duha ka bata nga nawala sa Barangay Kapatagan, Digos City. Matud ni PLtCol. Norman Yparraguirre, Chief of Police sa Digos City Police Station, wala pa gihapoy klarong impormasyon kung asa nahimutang ang mga bata.
Miabot ang ilang pagpangita sa Magpet ug Kidapawan human sa nadawat nga impormasyon ug pagsusi sa background sa mga ginikanan, apan wala didto makit-i ang mga bata. Gisusi usab ang Barangay Goma pinaagi sa koordinasyon sa mga opisyal sa barangay, apan negatibo gihapon ang resulta.
Padayon ang pagpangita sa duha ka bata, samtang giawhag ang publiko nga daling motaho sa Digos City Police Station kung adunay impormasyon sa ilang nahimutangan.









