Milabaw na sa ubang munisipalidad sa Davao Region ang Malita, Davao Occidental, human marekord ang 2.4 billion pesos nga kinatibuk-ang kabtangan niini. Sumala sa 2025 Annual Financial Reports sa Commission on Audit o COA, nalabwan sa Malita ang Sta. Cruz, Davao del Sur, nga kaniadto maoy nanguna sa listahan.
Samtang nakarekord usab og kapin sa 2 billion pesos nga assets ang mga munisipalidad sa Laak, Monkayo ug Carmen, lakip ang Sta. Cruz, Davao del Sur. Ang maong kantidad naglangkob sa mga imprastraktura, kagamitan, pondo ug ubang kabtangan nga gipanag-iya sa lokal nga panggamhanan.
Hinuon, dili kini nagpasabot nga ang tibuok kantidad anaa sa ilang magamit nga pondo.
Photo courtesy: Ben Goes Where
