Nakab-ot sa Digos City Police Station ang unang pwesto sa Class A City Police Stations sa rehiyon alang sa ikatulong quarter sa 2026, human makakuha og 83.317% nga performance rating nga adunay Very Satisfactory nga marka.
Tungod niini, gihatagan og PNP Efficiency Medal si PLtCol. Norman Yparraguirre, Chief of Police sa Digos City Police Station. Matud ni PLtCol. Yparraguirre, dili lamang kaniya ang maong kalampusan kondili sa tibuok Digos City Police Station, tungod kay resulta kini sa panaghiusa, kooperasyon ug teamwork sa tanang kapulisan.
Ang maong pasidungog nagsilbing pag-ila sa ilang paningkamot sa paghatag og maayong serbisyo ug pagpatuman sa kalinaw ug seguridad sa Digos City.
Photo courtesy: Digos City Police Station CAD| fb page
