Gilusad sa kagamhanan sa Dakbayan sa Talisay ang E-LGU system diin dili na kinahanglan nga molinya pa ug maghuwat sa ilang turno ang mga Talisaynon sa City Hall nga buot molukat sa ilang business permit.
Ang pagduso sa mga rekisitos sa pagkuha og business permit, ipaagi na online, kinahanglan lang nga e-download ang e-gov app ug mahimo na dayun ang transaksyon. Gawas sa paglukat, makahimo sab kini sa buot morenew sa ilang business permit labi na panahon na sab sa paglukat og mga business permit sa umaabot nga buwan sa Enero. Mahimo sab nga makita ang digital copy sa business permit online. Mahimo sab nga makuha ang cedula ug birth certificate nga giisyu sa local civil registrar.
Gituohan sa kagamhanan nga pinaagi ning mao pamaagi, mas sayon ug mas daghan nga mga negosyante ang mopahimulos sa maong serbisyo.
Matud sab ni Talisay City Mayor Gerald Anthony Samsam Gullas nga pabilin gihapong abli ang Talisay City Hall alang sa mga indbidwal nga gustong personal nga mobisita sa buhatan ug bukas sab ang online platform alang sab sa gustong mopahimulos sa maong serbisyo.
Photo Courtesy: Samsam Gullas/Fb Page
