Nasakmit sa mga awtoridad sa Malaysia ang 30 ka server units nga adunay advanced artificial intelligence o AI chips, nga nagkantidad og $12.1 million, human mapakyas ang ilegal nga pagpayuhot niini sa Kuala Lumpur International Airport.
Matud ni Airport Customs Director Aspalila Ag Tuah, nakit-an ang maong mga kagamitan atol sa inspeksiyon sa free trade zone sa airport karong Oktubre.
Sa inisyal nga imbestigasyon, gideklarar lamang ang mga server isip ordinaryong electronic components aron malikayan ang mga restriksiyon sa pag-eksport.
Kini na ang ika-5 nga kaso sa gidudahang sindikato karong 2026, nga adunay kinatibuk-ang kantidad nga milapas sa $24 million. Nagpadayon ang imbestigasyon aron mailhan ang mga responsable sa ilegal nga pagpangusog sa maong mga kagamitan.
Photo courtesy: Yahoo Finance
