Nagpahulay sa ilang tagsa-tagsa ka kompetisyon ang duha ka pambansang atleta sa Pilipinas nga sila EJ Obiena ug Alex Eala pinaagi sa usa ka friendly tennis match sa Aichi-Nagoya, Japan.
Mikuha og rocket ang world-class pole vaulter nga si Obiena aron makigdula kang tennis star Eala sa usa ka lingaw-lingaw nga duwa tali sa duha ka atleta atol sa 20th Asian Games.
Sa video nga gipaambit ni Philippine Olympic Committee Secretary General Wharton Chan, nga nagsilbing referee, makita ang mahigalaong bayloanay og bola ug mga pagbugal-bugal sa duha ka Pinoy athletes.
Napakita ni Obiena ang iyang forehand ug usa usab ka one-handed backhand return nga nakapuntos batok kang Eala. Sa ilang panaghisgot, gibinuangan usab ni Obiena si Eala nga basin mosulay usab kini og pole vaulting sa umaabot.
Nakatawa usab ang duha dihang aksidenteng napalupad ni Obiena ang bola gawas sa tennis court ug mihangyo dayon kini og pasaylo kang Eala.
Midawat og positibong reaksyon sa mga fans ang maong friendly match, nga nagpakita sa maayong panaghigalaay ug suporta sa duha ka atleta samtang nagrepresentar sa Pilipinas sa Asian Games.
Photo Courtesy: Tiktok
