Gipasiugda sa Manolo Fortich ang bag-ong Heritage Park pinaagi sa soft opening sa Old Municipal Building niadtong nakalabay nga adlaw, isip kabahin sa pagsaulog sa Tourism Week 2026.
Gipangulohan ang kalihukan nila Mayor Rogelio N. Quiño ug Bukidnon Vice Governor Clive D. Quiño pinaagi sa ribbon-cutting, kauban ang mga lokal nga opisyal, stakeholders, investors ug local artists.
Gipakita sa Heritage Park ang kasaysayan ug kultura sa lungsod pinaagi sa mga memorabilia, karaang litrato, artworks sa lokal nga mga artist ug mga pasundayag sa mga lumadnong kaigsuonan.
Kabahin usab sa unang adlaw sa selebrasyon ang pagpaila sa mga miyembro sa MoTour Guides Association, pagpakita sa mga lokal nga produkto alang sa Tatak Manolo Fortich, Soil Painting Workshop ug CookFest.
Photo courtesy: LGU Manolo Fortich
