Gitutokan karon sa pagagamhanang probinsyal sa Bukindon pinaagi sa Population & Development (POPDEV) Division ang mga lakang ngadto sa Provincial Implementing Team (PIT) ug Information & Service Delivery Network (ISDN) aron maaksyonan ang isyu sa mga kalisod sa teenage mothers pinaagi sa paghatag mas lapad nga suporta para sa edukasyon (alternatibong programa sa pagtuon), pag-abag sa panginabuhian ug skill training, ug ang pagpalambo sa mga libreng serbisyong panglawas.
Gikabutyag ni Adolescent Health & Development coordinator Pascual Sale Jr., nga hugot ilang panawagan sa mga ginikanan nga kanunayng hatagan ug sakto nga pagtagad, giya, ug abli nga komunikasyon ang ilang mga anak diha sa sulod sa panimalay aron malikayan ang pagmabdos sa sayong panuigon
Nasayrang sa natala nga 3,676 ka respondent nga adolescent mothers, nasayran nga 84.6% kanila ang out-of-school o wala na nakatungha sa eskwelahan, samtang 94.4% usab ang pabilin nga walay trabaho o kakuhaan sa panginabuhian.
Dugang pa niini, ubay-ubay gihapon kanila ang wala nagagamit sa mga modernong pamaagi sa family planning, usa ka dakong senyales sa kakulang sa saktong impormasyon ug pag-access sa mga fundamental nga serbisyong panglawas para sa mga kabatan-onan
Photo courtesy: POPDEV -Bukidnon
