Nadawat sa Aleosan Municipal Police Station o Aleosan MPS ang DOH Red Orchid Award 2026 sa ikaduhang higayon, isip pag-ila sa padayong paningkamot niini sa pagpalambo sa smoke-free environment, himsog nga workplace ug kultura sa wellness sa ilang estasyon.
Gihatag ang award niadtong September 29, 2026, atol sa Red Orchid Awarding Ceremony nga gipahigayon sa The Farm at Carpenter Hill, Koronadal City.
Nahitabo ang maong kalampusan ubos sa pagpangulo ni PMAJ JENNIFER C. AMOTAN, Chief of Police, uban sa paningkamot ug teamwork sa tanang personnel sa Aleosan MPS, lakip ang ilang mga partner agencies ug stakeholders.
Ang pagkadawat pag-usab sa Red Orchid Award nagpakita sa padayong pagpatuman sa estasyon sa mga inisyatiba batok panigarilyo ug uban pang programa nga nagtumong sa mas limpyo, luwas ug mas himsog nga komunidad ug workplace.
