Nagpa-vasectomy ang bana sa negosyante ug content creator nga si Rosemarie Tan Pamulaklakin mas nailhan nga “Rosmar Tan”. Bag-ohay lang mipaambit si Rosmar og litrato sa social media uban sa iyang bana nga si Jerome Pamulaklakin, human kini gipaubos sa maong procedure.
Kauban sa maong post ang usa ka mensahe nga nagpahayag sa iyang pagpasalamat ug pagpabili sa iyang bana. Mikomento si Jerome sa post ni Rosmar, nga nag-ingon, “I love you too, my wife.” Aduna nay tulo ka mga anak sila si Rosmar ug Jerome. Ang vasectomy usa ka surgical procedure alang sa mga lalaki nga nagsilbing permanente nga pamaagi sa pagpugong sa pagmabdos (birth control).
Samtang si Drew Arellano, Niadtong Abril 2025, nakadawat og dakong pagdayeg ang TV host human niya gipahibalo nga malampuson siyang nagpa-vasectomy isip sayo nga regalo sa Mother’s Day alang sa iyang asawa nga si Iya Villania. Gidayeg siya sa mga netizen ug mga kaubang artista isip usa ka “walking green flag” tungod sa iyang suporta sa family planning.
Dugang pa si Mark Herras, Human matawo ang ikaduhang anak nila sa iyang asawa nga si Nicole Donesa, dayag nga gipadayag sa aktor nga seryoso siyang naghunahuna nga magpa-vasectomy isip pamaagi sa family planning.
Photo Courtesy: @rosmarietanpamulaklakin
