Gibutyag sa Provincial Director sa Department of the Interior and Local Government kun DILG-Zamboanga del Sur nga maayo ang sugyot ni Ombudsman Jesus “Boying” Remulla nga dapat Civil Service passer ang mahimong modumala sa Barangay.
Apan kinahanglan pa og pag-amendar sa kasamtangang balaod aron mahimong requirement ang Civil Service eligibility alang sa mga molingkod ug modumala sa Barangay segun ni Provincial Director Dave Barrot sa interview sa Juander Radyo Pagadian.
Sumala ni PD Barrot, kung mapatuman ang maong requirement, mahimo kining adunay bentaha sa pagdumala sa barangay tungod kay ang mga kwalipikadong Civil Service passer adunay kahibalo ug kapasidad nga mahimong mas sayon tudluan sa mga buluhaton sa barangay office.
Apan iyang gipasabot nga dili kini basta-basta mahimong ipatuman tungod kay kinahanglan pa og tukmang pag-amendar sa kasamtangang balaod aron mahimong klaro ang mga kwalipikasyon ug requirements alang sa mga barangay official.
